ਚਿੰਤਾ (ਮਿੰਨੀ ਕਹਾਣੀ)

ਉਸਨੇ ਅਕਸਰ ਹੀ ਆਪਣੀ ਪਤਨੀ ਨੂੰ ਇਹ ਕਿਹਾ "ਨਾ ਮੈਂ ਇੱਕਲਾ ਕੀ ਕੀ ਕਰਾਂ, ਸੱਤ ਹਜ਼ਾਰ ਨਾਲ ਕੀ ਬਣਦਾ ਹੈ ਅੱਜ ਕੱਲ | ਜਦ ਤੱਕ ਸਰਕਾਰੀ ਨੌਕਰੀ ਨਹੀਂ ਮਿਲਦੀ ਕੋਈ ਪ੍ਰਾਈਵੇਟ ਜੌਬ ਹੀ ਭਾਲ ਲਈਏ |" ਪਤਨੀ ਨੂੰ ਲਗਦਾ ਹੈ ਕਿ ਮੈਨੂੰ ਬੇਕਾਰ ਹੋਣ ਦਾ ਮਿਹਣਾ ਦਿੱਤਾ ਜਾ ਰਿਹਾ ਹੈ | ਅੱਜ ਉਸਦੀ ਬੀ.ਐਡ. ਪਤਨੀ ਨੂੰ ਸਰਕਾਰੀ ਟੀਚਰ ਦੀ ਨੌਕਰੀ ਮਿਲ ਗਈ ਹੈ, ਲਗਦੀ ਦੀ ਤਨਖਾਹ ਹੀ ਉਸਤੋਂ ਦੁੱਗਣੀ ਹੋਵੇਗੀ | ਉਸਨੇ ਪਤਨੀ ਨੂੰ ਕਿਹਾ "ਯਾਰ ਕਿਸੇ ਹੋਰ ਜ਼ਰੂਰਤਮੰਦ ਨੂੰ ਮੌਕਾ ਨਾ ਦੇਈਏ ਆਪਣਾ ਗੁਜ਼ਾਰਾ ਤਾਂ ਕਿਵੇਂ ਨਾ ਕਿਵੇਂ ਚਲ ਹੀ ਰਿਹਾ ਹੈ |" ਪਤਨੀ ਡੌਰ-ਭੌਰ ਉਸਦੇ ਵੱਲ ਤੱਕ ਰਹੀ ਹੈ |