ਲਾਹਣਤ ਨਹੀਂ
ਤਾਂ ਹੋਰ ਕੀ ਸੀ ?
ਮੇਰਾ ਜਿਉਂਦੀਆਂ ਚਰਾਂਦਾਂ ਚੋਂ
ਮੁਰਦਾ ਕਲਸਾਂ ਵੱਲ ਪਰਤਣਾ,
...ਧੋਖਾ ਨਹੀਂ
ਤਾਂ ਹੋਰ ਕੀ ਸੀ ?
ਤੇਰੇ ਪੇਟੂ ਕਲਸਾਂ ਦਾ
ਧੜਕਣਾ ਨੂੰ ਖਾ ਜਾਣਾ |
ਕੁਝ ਬਾਤ ਨਹੀਂ ਬਣਦਾ
ਇਹੀ ਬਾਤ ਦੀ ਕਸ਼ਿਸ਼ ਹੈ
ਸਭ ਬਾਤ ਬਣ ਹੀ ਜਾਵੇ
ਐਨੀ ਜਿੱਦ ਵੀ ਕੀ ?
ਅਸੀਂ ਉਬੜ ਖਾਬੜ
ਭੂਮੀ ਤੇ ਲੜਦੇ
ਕੁਝ ਪਲ ਆਰਾਮ ਲਈ
ਪਰਤੇ ਜਦ ਕਿਤਾਬਾਂ ਦੀ
ਜਰਖੇਜ਼ ਜਮੀਂ 'ਤੇ.......
...ਉਗਿਆ ਸਰਕੰਡਾ ਪਾਇਆ
ਹਰਿੱਕ ਸਫੇ 'ਤੇ.......
ਸੀ ਤਿਆਰ
ਇੱਕ ਹੋਰ ਜੰਗ ਬਿਨ ਆਰਾਮ |
ਅਸੀਂ ਸਹੁੰ ਖਾਧੀ ਹੈ
ਜਦ ਤਕ ਤੁਸੀਂ
ਸਾਡੀਆਂ ਜੜਾਂ ਨੂੰ ਨਹੀਂ ਪਲੋਸਦੇ
ਆਪਣੇ ਖੁਰਪੇ ਜਿਹੇ ਹਥਾਂ ਨਾਲ
ਤੁਹਾਡੇ ਨੱਕ ਲਈ ਸੁਘੰਧ
...ਤੁਹਾਡੀਆਂ ਅੱਖਾਂ ਲਈ ਰੰਗ
ਨਹੀਂ ਦੇ ਸਕਦੇ
ਕਿਉਂ ਜੋ
ਅਸੀਂ ਸੁਰਖ ਗੁਲਾਬ
ਧਰਤੀ ਦੇ
ਤੁਹਾਡੇ ਜਿਹੇ
ਨਾ ਸ਼ੁਕਰੇ ਪੁੱਤ ਨਹੀਂ
